Mir san so nach a g’miatlichn Fahrerei wohlbehalten o kemma. Was i bis jetz so g’hört hab, san alle rundum z’friedn. 

De oan, de zum ersten Mal dabei woan, weil’s g’merkt ham, dass a ganze Woch ohne Fernseher, Computer, Handy u.ä., a übalebn kenna und dabei des ganze – oiso ois, was ma da den ganzn Tag so macht und erlebt – a no Spaß macha ko. De andern (so wia i) woan z’friedn, weil’s g’merkt ham, dass zwar Taize an sich (d’Kirch, da Oyak, d’Barakn, s’Essn… oiwai des gleiche is, aber doch jeds Moi anders und trotzdem imma wieda nei. 

Kurzum, es woa oafach wieda griabig äh… da Wahnsinn…, noja vielleicht gibt des ja unser Wortschatz gar ned her

Jedenfalls hat heid nach da Prozession unser Pfarrer recht intressiert nachgfragt, was mia de Woch ois so dalebt ham. Na ham ma g’sagt, wenn’s demnächst im Pfarrhof a Moi an Kaffee gibt, na kumma und vazähln mia’s eahm. 

Und i moan, wer woaß, mir ham ja jetz des Backl oide Liadabiacha,…vielleicht lasst da ja a Moi was in an Gottesdienst eifließn oder machma gar in unsera Kirch a Moi a Gebet…  Schau ma hald a Moi, was die Zukunft so bringt. 

Bernhard, Lappersdorf